Фото: www.kremlin.ru
Баъзида иқтисодиёт маҳсулотни тарқатмай, уни йўқ қилишни талаб қилади. Бу ҳақда Россия президенти Владимир Путин айтиб ўтди. У санкциявий маҳсулотларнинг аҳолига тарқатилмай, йўқ қилинишини шундай тушунтирган.
“Иқтисодиёт нуқтаи назаридан, баъзида бирор нарсани тарқатишдан, уни йўқ қилган яхши. Бу қанчалик ғалати янграмасин. Чунки бу иш ўринлари, ишлаб чиқариш рентабеллигининг муайян даражаси, нарх сиёсати ва ҳоказоларни сақлаб қолишдир”, деб тушунтирган Путин.
Аввалроқ Россия ҳукумати АҚШ, Европа Иттифоқи давлатлари ва Россияга қарши санкцияларни қўллаб-қувватлаган давлатлардан қишлоқ хўжалиги маҳсулотлари олиб кирилишига тақиқловни 2019 йил охиригача узайтирди.
