Юнусободдаги автобус бекатида аёл кишини 5000 долларга алдаб кетган шахс ушланди

2017 йил 30 ноябрда Тошкент шаҳрининг Юнусобод туманида номаълум шахс 2-даҳа ҳудудида жойлашган автобус бекатида Сирдарё вилояти Сардоба туманида яшовчи Н.Б. (аёл)ни алдаш йўли билан ишончига кириб, 5000 АҚШ долларини олиб кетган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, мазкур ҳолат юзасидан жиноят иши қўзғатилган.

Ушбу жиноятни содир этганликда Юнусобод туманининг  2-даҳасида яшовчи Ф.Т. аниқланиб ушланган. Тергов давом этмоқда.