АҚШ президенти Дональд Трамп мамлакатда кейинги икки йил давомида собиқ президент Барак Обама давридагига нисбатан ижобий ўзгаришлар бўлганини қайд этди, деб хабар берди Интерфакс.
Трампнинг фикрича, АҚШ "Обама маъмурияти ва унинг барча қилган ишларига қарамасдан" ажойиб иқтисодиётга эга.
У Обама маъмурияти томонидан иқтисодий соҳаларда қўшимча қийинчиликлар келтириб чиқарган нотўғри қарорлар қабул қилинганини қайд этди.
"Агарда 2016 йилги сайлов пайтида мана шундай фикрлаш давом этганида АҚШ ҳозирда тушкунликни бошдан кечираётган бўларди", деб ёзди Трамп твиттерда.
Шу билан бирга у америкаликларни демократларга қулоқ солмасликка чақирди.
