Техасда электр энергияси учун тўловни криптовалютада тўлаш мумкин бўлди

Фото: AFP

АҚШнинг Техас штати аҳолиси эндиликда фойдаланилган электр учун тўловни криптовалютада амалга ошириши мумкин. Бу ҳақда GridPlus Energy энергетика компанияси вакиллари маълум қилди.

Айни пайтда мижозлар тўловларни Ethereum ва Dai тизимлари орқали тўлашлари мумкин, кейинроқ биткойнда ҳам тўлаш имкони яратилади.

Рақамли пуллардан фойдаланиш соҳаси мунтазам равишда кенгайиб бормоқда — аввалроқ Аргентина жамоат транспортида рақамли пуллар билан йўл ҳақи тўлаш жорий этилганди. Фойдаланувчилар миллий SUBE картасини биткойн билан тўлдиришлари мумкин.