Рамос атайин сариқ карточка олганини тан олиб, сўнг буни инкор этди

«Реал» сардори Серхио Рамос «Аякс»га қарши кечган ЕЧЛ 1/8 финали дастлабки учрашувида сариқ карточка олди.

32 ёшли испан 89-дақиқада рақиб ҳужумчиси Каспер Дольбергга нисбатан фол ишлатгани учун огоҳлантирилди. Бу билан у ЕЧЛнинг бу мавсумида учинчи марта сариқ карточка олди ва энди 5 март куни Мадридда ўтадиган жавоб учрашувини ўтказиб юборади.

Ўйиндан сўнг Рамос атайлаб сариқ карточка ишлаб олганини тан олди, аммо кейинроқ Twitter саҳифасида буни инкор этди.

«Натижага қараб туриб, буни атайлаб қилмадим, деб айтсам ёлғон бўларди. Бу рақибга паст назар билан қараш эмас, шу билан бирга ғалабали сериямиз тугаши ҳақида ҳам ўйламадим. Аммо футболда оғир қарорлар қабул қилишга тўғри келади», – дея тушунтирган Рамоснинг сўзларини келтирди Goal.

🚨🚨🚨¡¡OJO!! ¿HA FORZADO LA TARJETA @SergioRamos?

"Sí, la verdad que viendo el resultado... Es algo que tenía presente. No es subestimar al rival pero a veces toca tomar decisiones y lo he decidido así".

¡TODOS a #ChiringuitoMadrid YA! pic.twitter.com/UJvig1yYSC

— El Chiringuito TV (@elchiringuitotv) 13 февраля 2019 г.

Аммо ҳимоячи ижтимоий тармоқдаги саҳифасида бу сўзларини инкор этиб чиқди.

«Шуни аниқлаштиришни истардимки, дисквалификация мени ҳаммадан кўпроқ ранжитади. «Рома» билан кечган ЕЧЛдаги олдинги ўйинимиздаги каби, бугунги карточкани ҳам атайин олганим йўқ.

Энди «Реал»ни мухлислар каби трибунадан туриб, чорак финални тасаввур қилганча қўллаб-қувватлайман», – деб ёзди Рамос.

Quiero dejar claro que me duele más que a nadie, que no he forzado la tarjeta, como tampoco lo hice contra la Roma en mi anterior partido de @ChampionsLeague, y que apoyaré desde la grada como un hincha más con la ilusión de poder estar en cuartos.#HalaMadrid https://t.co/zL0Heok5Vp

— Sergio Ramos (@SergioRamos) 13 февраля 2019 г.

Маълумот учун, 2010 йил ноябрида ЕЧЛ доирасидаги «Аякс» билан ўйинда (4:0) Рамос ва Хаби Алонсо икки марта сариқ карточка олиб, майдонни тарк этишганди. УЕФА бу икки футболчи «Реал»нинг ўша вақтдаги бош мураббийи Жозе Моуриньонинг қистови билан атайин карточка ишлаб олишгани юзасидан текширув ўтказиб, Моуриньога икки ўйинни захира ўриндиғида кузатиш тақиқи қўйилган, Рамос ва Алонсо эса жарима тўлашганди.

Умуман, Серхио Рамос ЕЧЛ тарихида энг кўп марта (38та) сариқ карточка олган футболчи саналади.

Таъкидлаш керак, Амстердамдаги кечаги учрашув «Реал» сардори учун «қаймоқранглилар» сафидаги 600-ўйин бўлди.

600 - Sergio Ramos will become the seventh @realmadriden player to reach 600+ appearances in all competitions. Captain. pic.twitter.com/FqokQCn2mR

— OptaJose (@OptaJose) 13 февраля 2019 г.