“Вақф” фонди томонидан Сариосиё туманидаги уч маҳаллага тоза ичимлик суви тармоғини ўтказиш ишлари якунига етказилди 

Аҳолини ижтимоий қўллаб-қувватлаш мақсадида Сурхондарё вилояти, Сариосиё тумани Боғи Обод, Себзор ва Эҳтиром маҳаллалари аҳолисига “Вақф“ хайрия жамоат фонди томонидан кўмак кўрсатилмоқда.

Саккиз минг нафардан ошиқ аҳоли яшовчи ушбу қишлоқларга “Вақф” хайрия жамоат фонди томонидан тоза ичимлик суви тармоғини ўтказиш ишлари якунига етказилди. Ушбу ишларда маҳаллада яшовчи аҳоли ҳам фаол иштирок этди.

Фонд ҳомийлигида минг метрлик қувурлар етказиб берилиб, қазиш ва монтаж ишлари фаол тарзда тамомланди.

Сув иншоотининг очилиш маросими Қуръон тиловати билан бошланиб, ушбу хайрли ишларда қатнашганлар, ҳомий тадбиркорлар, ҳомийлик қилган барчанинг ҳаққига дуо қилинди.