Чирчиқ шаҳар ИИБ бошлиғи ўзгарди

Тошкент вилояти ИИБда бир қатор тайинловлар амалга оширилди. Бу ҳақда бошқарма матбуот хизмати хабар берди.

Хусусан, подполковник Шерзод Абдувалиевич Шермуҳамедов Чирчиқ шаҳар Ички ишлар бўлими бошлиғи лавозимидан озод этилиб, Жиноят қидирув бошқармаси бошлиғи лавозимига;

майор Дилшод Муҳаммаджонович Хожаматов Оққўрғон тумани Ички ишлар бўлими бошлиғи лавозимидан озод этилиб, Жиноят қидирув бошқармаси бошлиғи ўринбосари лавозимига;

подполковник Дилшод Мамиржонович Муҳамеджанов Жиноят қидирув бошқармаси Шахсга қарши қаратилган жиноятларга қарши курашиш бўлинмаси бошлиғи лавозимидан озод этилиб, Чирчиқ шаҳар Ички ишлар бўлими бошлиғи;

майор Хайриддин Сирожиддинович Азизов Вазирлик Жиноят қидирув бош бошқармаси, Оғир ва ўта оғир жиноятлар билан курашиш бошқармаси, шахсга қарши қаратилган жиноятларга қарши курашиш бўлими ўта муҳим ишлар бўйича тезкор вакили лавозимидан озод этилиб, Тошкент тумани Ички ишлар бўлими бошлиғининг биринчи ўринбосари лавозимига тайинланди.