Apple компаниясидаги энг талабгир лавозим маълум қилинди 

Apple компанияси ўз сервисларини ишлаб чиқишни йўлга қўйгандан кейин компанияда энг талабгир мутахассислар борасида вазият ўзгарди.  

Эндиликда компанияда дастурий таъминот ишлаб чиқиш соҳасидаги мутахассислар энг катта талабга эга бўлмоқда. Бу ҳақда Thinknum мутахассислари маълум қилди. 

2-ўринни муҳандис лавозими эгалламоқда. 

Компанияда узоқ йиллар давомида аппарат таъминоти мутахассислари энг талабгир ҳисобланган. Бироқ 2019 йилда уларни дастурчилар ортда қолдирди. Бу компаниянинг ўз сервисларини яратиш ва яхшилашга катта эътибор бера бошлагани билан боғлиқ. 

Шунингдек, энг талабгир лавозимлар орасида чакана дўконлар менежерлари ва сотувчилари, дизайнерлар ҳам бор. Компанияда янги дастурчиларнинг бир қисмини iOS 13 операцион тизимини яратишга жалб қилиш режалаштирилмоқда. Компания, шунингдек, Siri Shortcuts каби сервисларини такомиллаштириш билан шуғулланмоқда.