Кузда Apple 15 дан ортиқ янги гаджетни тақдим этади

9to5Mac портали бир неча ойдан сўнг кутилаётган маҳсулотларнинг тўлиқ рўйхатини тузди. Асосий релиз флагман смартфонлар тўплами - iPhone 18 Pro, iPhone 18 Pro Max ва компаниянинг биринчи буклама смартфони iPhone Ultra бўлади. Миш-мишларга кўра, iPhone 18 базавий версиясининг премьераси 2027 йил бошига кўчирилган.

Улар билан бир вақтда Apple Watch Series 12 ва Apple Watch Ultra 4 дебют қилади. Охиргиси янгиланган дизайн ва янги саломатлик датчикларига эга бўлади.

Бу йил Mac учун муҳим йил бўлади: яқинда MacBook Neo, шунингдек, янги MacBook Pro ва MacBook Air моделлари чиқди. Тез орада қаторга М5 процессорли Mac mini, Mac Studio М5, iMac М5, MacBook Pro М6 ва миш-мишларга кўра, сенсорли экранли MacBook Ultra қўшилади.

Илгари янги iPad Air пайдо бўлган эди, аммо 2026 йил охиригача яна иккита модел чиқарилиши кутилмоқда: OLED экранли iPad мини ва iPad’нинг янги асосий версияси.

Ўтган йили Apple’нинг уй қурилмалари қаторини кенгайтириш бўйича катта режалари борлиги хабар қилинганди, бироқ компания Siri AI’нинг пайдо бўлишини кутган эди. Кузда янгиланган овозли ёрдамчининг тўлиқ чиқиши бўлиб ўтади ва у билан бирга Apple TV 4К, 7 дюймли сенсорли экран ва магнитли маҳкамлагичга эга HomePod Touch, HomePod 3, HomePod mini 2, Apple Security Camera ақлли камераси ва ҳатто видео уй телефони ҳам тақдим этилиши мумкин.

Мана Apple’нинг барча келгуси янгиликлари:

• iPhone 18 Pro;

• iPhone 18 Pro Мах;

• iPhone Ultra;

• Apple Watch Ultra 4;

• Apple Watch Series 12;

• Mac mini М5;

• Mac Studio М5;

• iMac М5;

• MacBook Pro М6;

• MacBook Ultra;

• iPad мини;

• базавий iPad;

• Apple TV 4К;

• HomePad / HomePod Touch;

• HomePod 3;

• HomePod mini 2;

• Apple Security Camera;

• видеодомофон.