Венесуэла Германия элчисини персона нон грата деб эълон қилди

Фото: REUTERS/Marco Bello

Венесуэла ҳукумати Германия элчиси Даниэл Мартин Криенерни персона нон грата деб эълон қилди.

Маълум қилинишича, дипломат Венесуэланинг ички ишларига аралашиб келгани сабабли мамлакатни 48 соат ичида тарк этиши лозим.

Мамлакат ташқи ишлар вазирлигида таъкидланишича, элчи мухолифат билан боғланган бўлган.

Ташқи ишлар вазирлигида Каракас Европанинг барча давлатлари билан ҳурматга асосланган муносабатларни қўллаб-қувватлашга тайёрлиги яна бир бор таъкидлаб ўтилган. Бунда Европа давлатлари давлат тўнтарувини қўллаб-қувватламасликлари, аксинча вазиятнинг тинчлик билан ҳал қилинишида ёрдам кўрсатишлари лозим.

Германия ҳукуматининг расмий вакили ўринбосари Ульрике Деммер 25 февралда Берлин Каракасга қарши янги санкцияларни қўллаб-қувватлашини маълум қилганди.

#Германия #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди