Пентагон Сурия ҳудуди ИШИДдан тўлиқ озод этилганини маълум қилди

Фото: REUTERS

АҚШ мудофаа вазири вазифасини бажарувчи Патрик Шанахан АҚШ президенти Дональд Трампга Сурия ҳудуди ИШИД террорчилик гуруҳи жангариларидан тўлиқ озод этилганини маълум қилди. Бу ҳақда Трампнинг матбуот котиби Сара Сандерсга иқтибос келтирган ҳолда Оқ уй журналистлари маълум қилди.

“Сара Сандерс ҳозиргина президент самолёти бортида журналистлар ёнига чиқиб, ИШИД “халифалиги” 100 фоизга йўқ қилинганидан дарак берувчи харитани намойиш қилди”, дейилган хабарда.

21 март куни Fox News телекомпанияси Суриянинг Ал-Багуз аҳоли пунктидан репортажида ИШИДнинг бу ердаги охирги таянч пункти босиб олингани, бироқ баъзи қаршилик ўчоқлари сақланиб қолинганини маълум қилган.

Шунингдек, аввалроқ Трамп яқин соатларда Сурияда ИШИД батамом йўқ қилинишини айтган.

#ИШИД #Сурия