Португалиялик мутахассис Жозе Моуриньо фикрига кўра, Чемпионлар Лигаси финалига «Барселона» ва «Ювентус» клублари чиқади.
«Ҳамма Криштиану Роналду ва Месси ҳақида гапирмоқда, бироқ мен «Ювентус» ва «Барселона»ни тилга олган бўлардим. Биламан, ҳамма эътиборини кучли футболчиларга қаратади, аммо мураббий сифатида футболни жамоавий спорт деб биламан.
«Барселона» ва «Ювентус» – Чемпионлар Лигаси финалига чиқишга асосий даъвогардир. Шахсан ўзим инглиз клублари, «Аякс» ва «Порту»ни кузатиб бормоқчиман.
«Барселона» ва «Ювентус»да тажрибали, иқтидорли ва ўзгача футболчилар бор. Одатда, жамоада ўзгача футболчи бўлса, у янада яхшиланади», – деб Моуриньо сўзларини келтирмоқда AFP.
