Танзила Норбоева ўзининг илк фаолиятини бошлаган мактабга китоб тақдим этди

Ўзбекистон Республикаси Бош вазири ўринбосари, Хотин-қизлар қўмитаси раиси Танзила Норбоева Тошкент шаҳри Олмазор туманидаги 134-мактабга ўзининг шахсий кутубхонасидан китоблар совға қилди.

Танзила Норбоева ўзининг илк фаолиятини айнан шу  мактабда рус тили ва адабиёти фани ўқитувчиси сифатида бошлаган.

"Kitobchallenge" доирасида ўтказилаётган мазкур тадбир ўтган ҳафта Президент Шавкат Мирзиёев хайрли ташаббусни илгари суриб, Бош вазирдан бошлаб ҳар бир раҳбарни мактаб кутубхонасига китоблар совға қилишга чорлашидан бошланди.