Жаҳоннинг энг қиммат 5 ҳимоячисидан 3 нафари француз, 3 нафари – «Ман Сити» аъзоси

27 март куни «Атлетико» ҳимоячиси Люка Эрнандес мавсум якунида «Бавария» аъзосига айланиши расман эълон қилинди. Трансфер нархи 80 млн еврони ташкил этгани айтилмоқда.

Squawka маълумотига кўра, эндиликда Эрнандес жаҳоннинг энг қимматбаҳо ҳимоячилари рўйхатида иккинчи ўринда туради. Биринчи поғона Виргил ван Дейкка тегишли – «Ливерпуль» 2018 йил бошида унинг учун 75 млн фунт (84,5 млн евро) тўлаган эди.

Шунингдек, Люка жаҳоннинг энг қиммат футболчилари орасида «Челси» дарвозабони Кепа Аррисабалага билан бирга 13-поғонадан жой олган.

Жаҳоннинг энг қиммат 5 ҳимоячиси:
1. Виргил ван Дейк («Ливерпуль») – 75 млн фунт
2. Люка Эрнандес («Атлетико»/«Бавария») – 68
3. Эмерик Лапорт («Манчестер Сити») – 57
4. Бенжамен Менди («Манчестер Сити») – 52
5. Кайл Уокер («Манчестер Сити») – 45