Қўшимча функционаллар
-
Тунги кўриниш
Малайзия собиқ бош вазирининг рафиқаси 23 млн долларга тақинчоқ сотиб олгани маълум бўлди
Розма Мансур/Фото: EPA-EFE/FAZRY ISMAIL
Малайзия полицияси мамлакат собиқ бош вазири Нажиб Раззоқнинг рафиқаси Розма Мансур 1MDB давлат инвестиция фондидан ўғирланган маблағларга пушти бриллиантлардан тайёрланган, нархи 23 млн долларлик тақинчоқ сотиб олганини аниқлади. Бу ҳақда полиция вакили Халил Азлан маълум қилди.
"Нажиб Раззоқнинг уйи ва қароргоҳида ўтказилган тинтувда ушбу тақинчоқ чиқмаган бўлса-да, биз унинг Нью-Йоркда сотиб олингани тўғрисида етарлича далилларга эгамиз", - деди полиция вакили.
Аввалроқ собиқ бош вазир тақинчоқни унинг рафиқасига Абу-Дабининг меросхўр шаҳзодаси Муҳаммад бин Зайд Ол Ноҳаён совға қилганлигини айтганди.
Шу ҳафтада Розма Мансурга 1,2 млн долларга яқин маблағни пора сифатида олганлиги бўйича янги айблов эълон қилинганди. Аввалроқ унга нисбатан маблағ ўзлаштириш ва терроризмни молиялаштириш бўйича 17та айблов эълон қилинган.
Мавзуга оид
19:34 / 11.01.2026
Туроператорларга Малайзия ва Индонезиядан жалб қилинган ҳар бир сайёҳ учун субсидия берилади
14:29 / 27.12.2025
Малайзия собиқ бош вазири 15 йилга қамалди
12:47 / 13.12.2025
Малайзияга сафар қилаётган ўзбекистонликлар учун муҳим талаблар маълум қилинди
23:08 / 03.12.2025