Фото: Андижон ИИБ ЙҲХБ матбуот хизмати
Андижон вилоят ИИБ ЙҲХБ илғор давлатлар тажрибасидан келиб чиққан ҳолда йўл ҳаракати қоидаларини ёш авлодга илк ёшдан ўргатиб бориш бўйича лойиҳаларни амалга оширмоқда. Бу борада вилоятнинг барча туман ва шаҳарларидаги боғчаларда ана шундай кўргазмали машғулотлар ташкил қилиняпти, деб ёзади Андижон ИИБ ЙҲХБ матбуот хизмати.
Ҳозирда ҳудуддаги 606та мактабгача таълим муассасасига Йўл ҳаракати хавфсизлиги бошқармасининг 174 нафар ходими бириктирилиб, тарбияланувчиларга йўл белгилари ва қоидалари бўйича ҳаракатланиш юзасидан кўникмалар бериб бориляпти.
Замонавий кўргазмали қуроллар ёрдамида, интерфаол ўйин тарзида ўтказилаётган машғулотлар болаларга йўлдаги хавфсизлик қоидаларини тез ўзлаштиришга ёрдам бермоқда.
