АҚШ Венесуэлада ҳарбий операция ўтказиши мумкинлиги айтилди

Фото: Drew Angerer/Getty Images

Агарда зарурият туғилса, АҚШ Венесуэлада ҳарбий операция ўтказиши мумкин. Бу ҳақда АҚШ давлат котиби Майкл Помпео Fox Business телеканалига берган интервьюсида маълум қилди.

"Президент мутлақо аниқ ва изчил белгилаб берди: ҳарбий ҳаракатлар бўлиши мумкин. Агарда зарур бўлса, АҚШ буни амалга оширади", - деди у.

"Биз Мадуро кетиши ва янги сайловлар ўтказилиши мумкин бўлган ҳукуматнинг тинчлик билан топширилишини афзал кўрамиз", - деб қўшиб қўйди у.

Сешанба куни Каракас ва Венесуэланинг бошқа шаҳарларида ҳукуматга қарши намойишлар бўлиб ўтди.

Тайёрлаган Дилшод Аскаров

#АҚШ #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди