Самарқандда фуқарони 49 000 долларга «ухлатган» шахс қўлга олинди

Иллюстратив фото

2019 йил 28 апрель куни Самарқанд шаҳар ИИБга ҳужжатлар тушган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Уларга кўра, Р.Узоқов кўчасида яшовчи Р.К. таниши Ж.Ю.га биргаликда заргарлик буюмларини сотиш билан шуғулланиш таклифини айтган. Бу шахс 2017 йил декабрь ойидан 2018 йил июль ойига қадар бўлган вақт оралиғида ундан жами 49 000 АҚШ долларини олиб, пулларни ўз эҳтиёжлари йўлида ишлатиб юборганлиги кўрсатилган.

Р.К. ушланган. Ушбу ҳолат юзасидан жиноят иши қўзғатилиб, тергов ҳаракатлари олиб борилмоқда.