Японияда болалар сони рекорд даражада камайиб кетди

Фото: Flickr / RageZ

Японияда 15 ёшгача бўлган болалар сони рекорд даражада камайиб кетди ва 15,33 миллион нафарни ташкил этди, деб маълум қилди мамлакат ички ишлар вазирлиги.

Жорий йилнинг апрель ҳолатига кўра, Японияда 15 ёшгача бўлган 7,85 миллион ўғил болалар ва 7,48 миллион қиз болалар бор. Ўтган йилга солиштирганда, мамлакатда болалар сони 180 минг нафарга камайган.

Японияда болалар сонининг камайиши 38 йилдан буён мунтазам равишда кузатилмоқда. Мамлакатда 15 ёшгача бўлган болалар аҳолининг 12,1%ини ташкил этади.

Жамиятнинг қариши, яъни меҳнатга лаёқатли ёш аҳолининг камайиши ва пенсионерлар сонининг ошиши Япониядаги жиддий ижтимоий муаммо ҳисобланади.