Порошенко бош прокуратурага сўроққа чақиртирилди 

Украина бош прокуратураси президент Пётр Порошенкони сўроққа чақиртирди. Бу ҳақда бош прокуратуранинг махсус терговлар бошқармаси бошлиғи Сергей Горбатюкка иқтибос келтирган ҳолда “Украинские новости” ахборот агентлиги хабар берди. 
 
Порошенко бош прокуратурага 7 май кунига евромайданчиларга қарши жиноятлар бўйича сўроқ қилингани чақиртирилмоқда. Шунингдек, Порошенкодан 2016 йил ноябрда у билан ўтказилган сўроқ баённомасининг имзоланиши кутилмоқда.   

Аввалроқ Порошенко 2014 йилда “евромайдан” вақтида шахсан ўзи ҳалок бўлганларнинг жасадларини олиб чиққани ва ярадорларга ёрдам берганини маълум қилган. 

Бироқ Порошенконинг “евромайдан”даги жонбозлиги шубҳа остига олинади. Жумладан, ўша воқеаларда фаол иштирок этган украиналик сиёсатчи Олег Царевнинг маълум қилишича, Порошенко “евромайдан”дан ярадорлар ва ўлганларни олиб чиқмаган, чунки у ерда кам кўринган ва қайси томонга қўшилиб олиш борасида иккиланган.