Наманганда босқинчи йўловчи қўлга олинди
Наманган шаҳрида 5 май куни номаълум шахс 6-кичик туман ҳудудидан Маданий Маориф маҳалласида яшовчи 29 ёшли И.Р. бошқарувидаги “Нексия” русумли автомашинасига йўловчи сифатида ўтирган.
Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, у 1-кичик тумани Олмазор кўчасига етиб келганларида ҳайдовчининг чап кўкрак қисмига пичоқ билан уриб жароҳат етказиб, 80.000 сўм пули ва “Nokia” мобиль телефонини олиб воқеа жойидан яширинган.
Натижада И.Р. касалхонага ётқизилган. Кўрилган чоралар натижасида ушбу жиноятни Нуробод маҳалласида яшовчи 25 ёшли И.С. содир этганлиги аниқланиб, қўлга олинган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Мавзуга оид
11:46
Ёлланма қотиллар, сирли буюртмачи ва чалғитилган тергов – Намангандаги мудҳиш қотиллик тафсилоти
09:49 / 04.10.2024
Наманганда юзлаб автомобиллар давлат рўйхатидан ноқонуний ўтказилгани айтилмоқда. Иш республика даражасида терговда
14:54 / 26.09.2024
Наманганда аввал ҳам фирибгарлик учун судланган шахс яна шундай жиноятга қўл урди
20:05 / 12.09.2024