Қуролли Кучлар Бош штаби томонидан Термиз гарнизонида жойлашган ҳарбий қисмларда бўлинмаларнинг жанговар тайёргарлиги тўсатдан текшириш бўйича инспекторлик машғулотлари бошланди. Бу ҳақда Мудофаа вазирлиги матбуот хизмати хабар қилди.
![](https://storage.kun.uz/source/4/Ml4K-Fw8ZbhnhpaDkSwvYjWq8_xeVutz.jpg)
![](https://storage.kun.uz/source/4/X6BXjKnp-wBnaCUKzn-oqK7b0DDAfNxB.jpg)
14 май куни эрталабки саҳарда берилган “Тревога” сигналидан сўнг, гарнизонда жойлашган ҳарбий қисм ва муассасалар юқори жанговар шайлик ҳолатларига келтирилди.
![](https://storage.kun.uz/source/4/MNACvDEJl8okgN0pPWhrYV-Qvp5Epdm9.jpg)
Машғулотларнинг дастлабки босқичида гарнизон ҳудудидаги ҳарбий объектларни қўриқлаш ва ҳимоя қилиш режими кучайтирилиб, бўлинмаларнинг ҳарбий техникаларда “Термиз” полигонига чиқиб кетиши таъминланди.
![](https://storage.kun.uz/source/4/TbqNnhRzAVVGJw1ty4DTuL0r4RKNou52.jpg)
Полигонга чиққан бўлинмалар мобил бошқарув пунктларини ёйиб, ишга тушурди. Текширув давомида ҳарбий хизматчиларнинг тактик тайёргарлиги, топография, махсус тайёргарлик, оммавий қирғин қуролларидан ҳимояланиш ва бошқа фанлар бўйича билимлари синовдан ўтказилиши бошланди.
![](https://storage.kun.uz/source/4/WsC7MlFXCxmvVARUcj2fZxD0iZ-8cflY.jpg)
Бир неча кун давом этадиган тўсатдан текширувни ўтказишдан мақсад батальон тактик гуруҳларининг жанговар шайлиги, ҳарбий хизматчиларнинг жисмоний тайёргарлиги, ҳарбий техника ва қурол-аслаҳалардан унумли фойдаланиш бўйича амалий кўникмалари синалади.