Фото: REUTERS/Aly Song
Шанхайда эски бино қулаши оқибатида 10 киши ҳалок бўлди
16 майда Шанхайнинг Чаннин туманидаги Mercedes-Benz дилерлик маркази девори қулаши оқибатида 20 дан кўпроқ одам вайроналар остида қолиб кетди. Қутқарувчилар уюмлар остидан 25 кишини топиб, ташқарига чиқаришга муваффақ бўлишган. Бироқ улардан 10 нафари кейинроқ олинган жароҳатлардан шифохонада жон берган.
Маълум қилинишича, марказда таъмирлаш ишлари олиб борилаётган бўлган.
Таъкидланишича, воқеа жойида қидирув-қутқарув ишлари якунланмоқда. Минг квадрат метрга яқин жой ўпирилиб тушган.
