Жиззахда фуқаро 8 килограмм марихуана билан қўлга олинди

2019 йил 13 май куни “Қорадори-2019” кенг қамровли тадбири ўтказилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Унинг давомида Жиззах вилоятининг Пахтакор туманида “ГАЗ-53” русумли юк автомашинасида йўловчи сифатида ўзи билан 8 кг. 327 гр. “марихуана” гиёҳвандлик моддасини олиб кетаётган Олтинкўл маҳалласида яшовчи 27 ёшли Ж.С. қўлга олинди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.