Total ва Eni компаниялари Россиядан олинган нефть учун пул тўлашдан бош тортди

Франциянинг Total ва Италиянинг Eni нефть компаниялари «Дружба» қувури орқали келадиган Россия нефти учун тўловларни тўхтатиб қўйди, деб хабар берди Reuters ўз манбаларига таяниб.

Агентлик суҳбатдошлари тўловдан бош тортишга нефтнинг хлорорганика билан ифлосланганлигини сабаб қилиб кўрсатган.

«Бундай нефть учун ким пул тўлайди? Бу умуман нефть эмас. Россиядан бирорта ҳам инсон ким кимга ва қачон товон тўлаши кераклигини тушунтириб беролмаяпти», — деган агентлик суҳбатдошларидан бири.

Агентликнинг қайд этишича, назарий жиҳатдан Ғарб компаниялари сифатсиз нефть учун пул тўламасликка ҳақли. Аммо Россия қонунчилигига кўра, улар аввал пул тўлаши, сўнгра компенсация ундиришлари лозим.

Шу йилнинг апрель ойи ўрталарида «Дружба» қувури етказиб бериладиган Россия нефти хлорорганика билан ифлослангани маълум бўлган, шундан сўнг Европа компаниялари Россия хомашёсини сотиб олишни тўхтатганди.