Яккасаройдаги хонадонда ёнғин: уй эгасининг жасади топилди

Шу йил 15 май куни Тошкент шаҳрининг Яккасарой туманида яшаган 60 ёшли Р.М.нинг уйида ёнғин содир бўлган. 

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарида айтилишича, кўрилган чоралар натижасида ёнғин ўчирилган.

Оқибатда уйнинг ички қисми ва жиҳозлари ёниб зарар кўрган ҳамда ёнғин ўчириш вақтида Р.М.нинг куйган ҳолдаги жасади топилган. 

Р.М. маст ҳолда сигарет чекиб ухлаб қолганлиги аниқланган. Ёнғин сабаблари ўрганилмоқда. 

Суриштирув ишлари олиб борилмоқда, дейилади хабарда.