Зеленский Олий радани тарқатиб юбориш тўғрисида фармон чиқарди

Украина президенти Владимир Зеленский Олий рада ваколатларини муддатидан олдин тугатиш тўғрисидаги фармонни имзолади. Бу ҳақдаги тегишли ҳужжат президент сайтида эълон қилинди.

"Украина Олий радасига навбатдан ташқари сайловлар 2019 йил 21 июлда бўлиб ўтиши белгилансин", — дейилади ҳужжат матнида.

Вазирлар маҳкамасига навбатдан ташқари сайловларни молиялаштиришни таъминлаш топширилди.  

Зеленский 20 май куни президентликка қасамёд қабул қилди ва инаугурация вақтида сўзлаган нутқида парламентни тарқатиб юборишини маълум қилди.