Жамолиддин Каримович Алойдинов Наманган вилояти ҳокимининг жамоат ва диний ташкилотлар билан алоқалар бўйича ўринбосари этиб тайинланди. У вилоят ҳокимининг 2019 йил 10 майдаги 352-сонли қарорига асосан мазкур вазифада иш бошлади.
Namangan24 хабарига кўра, Жамолиддин Алойдинов ушбу лавозимда ҳозиргача ишлаб келаётган Санжар Инбарович Қулмуродовнинг ўрнини эгаллади.
![](https://storage.kun.uz/source/4/EbSvoG4rmS0BvHcb3wJkF3sAEfAn7bh5.jpg)
Маълумот ўрнида, Жамолиддин Алойдинов 1983 йил 15 март куни Бухоро шаҳрида туғилган. 2003 йили Ўзбекистон Миллий университетини тамомлаган. Мутахассислиги - тарих фани ўқитувчиси.
Меҳнат фаолиятини 2003 йилда Бухоро шаҳридаги 26-сонли умумий ўрта таълим мактабида ўқитувчиликдан бошлаган. У 2006 йилдан ҳозирги вақтга қадар Наманган вилоятидаги ҳарбий қисмлардан бирида ҳарбий хизматчи сифатида масъул вазифаларда фаолият юритиб келаётган эди.