Туркиялик машҳур ошпаз Нусрет Гёкче Канн фестивалида тақдирланди

Жаҳонга машҳур туркиялик ресторатор Нусрет Гёкче 72-сонли Канн фестивалида “Дунёнинг энг яхши блогери” соврини билан тақдирланди. Бу ҳақда Sabah нашри хабар берди. 

Таъкидланишича, ушбу йўналиш бўйича бош мукофотга 22 киши даъвогарлик қилган. 

Гёкче нафақат мукофот олгани билан матбуотни жалб қилган, балки қизил гиламчада унга машҳурлик келтирган “туз сепиш” ҳаракатини намойиш қилган.

Гекче бутун дунёга гўштга антиқа туз сепиш усули билан танилиб кетган. Шунингдек, у ижтимоий тармоқларнинг фаол фойдаланувчиси ва блогер ҳисобланади, унинг саҳифаларига 22 млндан кўпроқ киши обуна бўлган. Ресторатор Туркия, АҚШ ва БААда ресторанлар тармоғига эга.