АҚШ Киевга НАТОдан ташқаридаги асосий иттифоқчи мақомини бермоқчи

Америка конгресси вакиллар палатасига Киевга АҚШнинг НАТОдан ташқаридаги асосий иттифоқчиси мақомини бериш имкониятини назарда тутувчи қонун лойиҳаси киритилди. Бу ҳақда Украинанинг Вашингтондаги элчихонаси маълум қилди.

Қайд этилишича, ушбу мақом Киев Шимолий Атлантика альянсига киргунига қадар амалда бўлади.

Айтилишича, қонун лойиҳаси Украина қуролли кучларига танкларга, кемаларга ва ҳаво ҳужумига қарши қуролларни бериш ҳамда мудофаа воситаларини сотиш, “Россия тажовузи”дан ҳимоя қилиш учун Киев киберхавфсизлигини мустаҳкамлашни кўзда тутади.

Бундан ташқари, АҚШ Киевни Керчь бўғозидаги воқеа ва Донбассдаги низо масалалари бўйича қўллаб-қувватлашни мақсад қилган.