Хитой Huawei учун ўч олгани қурбон танлади

Фото: Mike Blake / Reuters

Хитой ҳукумати Huawei компанияси шикоятидан сўнг АҚШнинг FedEx етказиб бериш хизматига нисбатан текширув бошлади, деб хабар берди Xinhua агентлиги.

Қайд этилишича, текширувга ўзига мўлжалланган жўнатмалар бир неча марта бошқа манзилларга етказилгани тўғрисида Huawei компаниясининг шикоятлари сабаб бўлган. Шикоятларда айтилишича, Япониядан юборилган жўнатма АҚШга, Вьетнамдан жўнатилгани эса Осиё мамлакатларидан бирига етказилган.

Huawei вакилларининг сўзларига кўра, жўнатмаларда ҳужжатлар бўлган.

Аввалроқ Хитойнинг Global Times нашри муҳаррири Ху Сицзинь Хитой ҳукумати АҚШнинг Huawei компаниясига нисбатан чекловларига жавоб чоралари тайёрлаётганини айтганди. Кейинроқ Хитой Америка компанияларининг қора рўйхатини тайёрлаётгани маълум қилинди.