Фото: 91mobiles
Интернетда Samsung’нинг янги флагман смартфони Galaxy Note10’нинг суратлари эълон қилинди. Суратларда қурилманинг дизайни тўлиқ ошкор қилинган.
Суратларга кўра, гаджет қиррали корпус олади. Экран ён томонлардан думалоқланган бўлади.
Қурилма олд панелда олд камера ўрнатилган дарчага эга бўлади. Экраннинг диагонали 6,3 дюймни ташкил қилади. Қурилманинг Note10 Pro версияси эса 6,75 дюймли экран олади.
Гаджет қулоқчинлар учун 3,5 ммли разъём олмайди. Унинг ўрнини USB Type-C разъёми ёки симсиз қулоқчинлар эгаллайди.
Смартфон Snapdragon 855 ёки Exynos 9820 процессорида ишлайди: бу смартфон қайси давлатда сотувга чиқарилишига боғлиқ бўлади.
