Президент мактабларига кунига ўртача мингдан зиёд ҳужжат топширилмоқда
8 июнь соат 15:15 га қадар Президент мактабларига 8,3 мингдан зиёд номзод ҳужжат топширди. Бу ҳақда Халқ таълими вазирлиги матбуот хизмати хабар берди.
Хабарда таъкидланишича, улардан 2,4 мингдан зиёди pm.xtv.uz сайтида яратилган қулайликлардан фойдаланган ҳолда ҳужжатларини онлайн топширди.
“Онлайн қабулнинг афзаллиги шундаки, ҳужжатларни топшириш учун ҳеч қаерга бориш керак эмас ва навбат кутиб асаб бузиш ҳолатлари бўлмайди”, дейилади хабарда.
Президент мактабларининг расмий сайтида тақдим этилиши лозим бўлган ҳужжатларнинг рўйхати ва намуналари берилган. Номзодларнинг вакиллари ушбу намуналар асосида ҳужжатларни тайёрлаши ва pm.xtv.uz сайти орқали бир неча дақиқаларда топшириш имкони бор.
Эслатиб ўтамиз, Президент мактабларига ҳужжат қабул қилиш 1 июндан бошланди. Мактаблар Тошкент, Нукус, Хива ва Наманган шаҳарларида 2019-2020 ўқув йилида фаолият бошлайди.
Мавзуга оид
15:25 / 04.06.2021
Қайси ҳолларда Президент, ижод ва ихтисослаштирилган мактабларга ҳужжатлар қабул қилинмаслиги маълум бўлди
17:31 / 21.05.2021
Янги Ўзбекистон университети ташкил қилинади – Беҳзод Мусаев
09:12 / 12.05.2021
Президент мактабларига кириш имтиҳонлари бўйича батафсил маълумот берилди
18:31 / 11.05.2021