10:40 / 15.06.2019
18912

Навоийда 18 ёшли қиз заргарлик дўконини 170 млн сўмга тунаб кетди 

Фото: Pixabay

Навоий вилоятининг Кармана туманида 18 ёшли қиз заргарлик дўконидан умумий қиймати 170 млн сўмлик заргарлик буюмларини ўғирлаб кетди.

ИИВ матбуот хизмати маълумотларига кўра, 12 июнда Кармана туман ички ишлар бўлимига “ADXAM GOLD” корхонаси директоридан мурожаат аризаси тушган. Унинг таъкидлашича, 10 июнда номаълум аёл “Буюм” бозорида жойлашган заргарлик дўконига кириб, сотувчилар эътиборини чалғитиб, заргарлик буюмларини ўғирлаб кетган.   

ИИВнинг ОАВ ва жамоатчилик билан алоқалар бошқармасида хабар қилинишича, кўрилган чоралар давомида аввал судланган наманганлик 18 ёшли қиз ушланган.

Ҳуқуқ-тартибот идоралари ходимлари ушбу жиноят юзасидан Жиноят кодексининг тегишли моддалари бўйича жиноий иш қўзғатишган, тергов ишлари олиб борилмоқда.

Top