Bloomberg АҚШ июлда Туркияга қарши санкция киритиши ҳақида хабар берди
АҚШ Россиянинг С-400 зенит ракета мажмуаларини сотиб олганлиги учун Туркияга қарши учта янги санкциялар пакетини киритмоқчи. Бу ҳақда ўз манбасига таяниб Bloomberg хабар берди. Агентликнинг ёзишича, санкциялар июлда, Туркияга С-400 етказиб берилганида жорий этилади.
Хабар қилинишича, ҳозирда хавфсизлик кенгаши, давлат департаменти ва Пентагон «шундоқ ҳам оғир даврни бошидан кечираётган Туркия иқтисодиётини карахт қиладиган» энг оғир санкциялар пакетини киритишни муҳокама қилмоқда.
Bloomberg Туркиядаги манбаларга асосланиб ёзишича, Анқара Америка таҳдидларига қулоқ солмайди, чунки «Вашингтонга нисбатан ишонч буткул дарз кетган».
Туркия президенти Ражаб Таййип Эрдўған июнь ойи ўрталарида С-400 мажмуаларини етказиб бериш боғлиқ масала аллақачон ҳал бўлганини ва мажмуалар июлнинг биринчи ярмидан келтирила бошлашини маълум қилганди.
Мавзуга оид
08:20
АҚШ ва Исроил ЦАҲАЛнинг Эрондаги эҳтимолий нишонларини муҳокама қилмоқда
16:57 / 03.10.2024
АҚШда AirPods қулоқчинлари ўғирланган Ferrari’ни топишга ёрдам берди
20:47 / 02.10.2024
Мулойим дуранг – АҚШ вице-президентлигига номзодлар дебат ўтказди
12:30 / 02.10.2024