![](https://storage.kun.uz/source/4/ZLGDsZyffygsEFkcTR-RdbAW-ddTAOvh.jpg)
«Атлетико» «Реал» яримҳимоячиси Маркос Льорентени ўз сафига қўшиб олди.
«Матрасчилар» расмий сайтида маълум қилинишича, 24 ёшли испан тиббий кўрикдан ўтгач, у билан 5 йиллик шартнома имзоланади.
ОАВ маълумотига кўра, трансфер қиймати 40 млн еврони ташкил этган.
Льоренте «Реал» тарбияланувчиси саналади. У «қаймоқранглилар» асосий жамоасида 2015 йилда дебют қилган. 2016/17 мавсумини «Алавес»да ижара асосида ўтказган хавбек жамоанинг Испания кубоги финалигача етиб боришига ҳисса қўшган.
Маркос 2017 йилда Испания ёшлар терма жамоаси сафида Европа чемпиони бўлган.
Ўтган мавсумда у «Реал»нинг 16та ўйинида 2та гол муаллифи бўлганди.