Трамп ва Ким Чен Ин учрашувида АҚШ ва Шимолий Корея журналистлари жанжаллашиб кетди – ОАВ
АҚШ президенти Дональд Трамп ва Шимолий Корея етакчиси Ким Чен Ин ўртасидаги учрашув вақтида америкалик ва шимолий кореялик журналистлар ўртасида жанжал чиқди. Бу ҳақда CNN телеканали мухбири, Оқ уй журналистлари орасига кирувчи Жим Акостага иқтибос келтирган ҳолда “РИА Новости” хабар берди.
Мухбирнинг таъкидлашича, воқеа оқибатида Оқ уйнинг янги матбуот котиби жабр кўрган.
“Менга янги матбуот котиби Стефани Гришэм Трамп ва Кимнинг учрашувини ёритиш учун яхшироқ жой эгаллаш вақтидаги можарога тушиб қолгани айтилди. Манбанинг маълум қилишича, Гришэм “жанжал оқибатида” лат ейиш жароҳати олган”, деб ёзган Акоста твиттерда.
30 июнда Трамп ва Ким Чен Ин Шимолий ва Жанубий Корея ўртасидаги қуролсизлаштирилган ҳудудда учрашишди. Улар Корея яриморолини шимол ва жанубга ажратувчи ҳарбий-демаркация чизиғида бир-бирлари билан сўрашиб, сўнгра Пханмунжом пунктида музокаралар ўтказишган. Трамп билан у ерга Жанубий Корея президенти Мун Чжэ Ин ҳам ташриф буюрган.
Мавзуга оид
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
14:33 / 10.09.2024
Шимолий Корея ядровий салоҳиятини сезиларли даражада оширади
22:11 / 31.08.2024
Путин Ким Чен Инга 24 бош от совға қилди
13:11 / 28.08.2024