Хоразмда қўшнисига ёрдам бериш учун чиққан йигит бир инсоннинг умрига зомин бўлди

2019 йил 1 июль куни соат 01:30ларда Хоразм вилоятининг Боғот туманида яшовчи 41 ёшли Д.Р. исмли аёл уйида ёрдам сўраб бақирганида қўшниси, 21 ёшли М.Р. ёрдамга чиққан вақтида уйи олдидан маҳалладоши 44 ёшли Ш.М. югуриб кетаётганлигини кўриб, унинг ортидан қувган ва оёғи билан чалиб йиқитиб, бошига тепган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада Ш.М. касалхонага ётқизилиб, кўрсатилган тиббий муолажаларга қарамай вафот этган. 

Ҳолат юзасидан жиноят иши қўзғатилиб, М.Р. ушланган. Тергов ҳаракатлари олиб борилмоқда, дейилади хабарда.