Фото: DPA
Аввалроқ мадҳия сўзларини унутиб қўйган АҚШ президенти Дональд Трамп Мустақиллик куни муносабати билан сўзлаган нутқи вақтида чалкашликларга йўл қўйди. Гап шундаки, у мустақиллик учун уруш вақтида АҚШ армияси инглизлар аэропортларини эгаллаб олганини айтган.
Бироқ АҚШда мустақиллик учун уруш 1700-йиллар охирида юз берган, ваҳоланки АҚШда илк авиаташувлар 1900-йиллар бошидангина амалга оширила бошланган.
Бу Трамп нутқидаги ягона чалкашлик бўлмаган. Твиттерда CNN мухбири Дэниел Дейл маълум қилганидек, Форт Мак-Генри учун жанг Трамп айтганидек инқилоб уруши вақтида эмас, 1812 йилдаги уруш вақтида юз берган.
