Божхоначилар атир ичига яширилган гиёҳвандлик моддасини аниқлашди

Божхона органлари томонидан гиёҳванд моддаларнинг ғайриқонуний айланмасига қарши кескин кураш олиб борилмоқда.

Қорақалпоғистон Республикаси божхона бошқармасининг “Даут-ата” чегара божхона пости орқали кириб келган фуқаро Н.К. бошқарувидаги “Тойота” русумли автотранспорт воситаси холислар иштирокида белгиланган тартибда божхона кўригидан ўтказилди. Бу ҳақда Давлат божхона қўмитаси ахборот хизмати хабар бермоқда.

Натижада Текширув жараёнида унинг автомобилидан “граната” шаклидаги атир идиши ва идиш ичида эса 1,84 грамм марихуана гиёҳвандлик воситаси борлиги аниқланди.

Ҳозирда юқоридаги ҳолат юзасидан божхона текширувлари давом эттирилмоқда.