Ҳукумат қарори билан Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ходимларини моддий рағбатлантириш тартиби тўғрисидаги низом тасдиқланди. Бу ҳақда Адлия вазирлигининг телеграм-каналида хабар қилинди.
Низомга мувофиқ, Инспекция ходимларига қуйидаги миқдордаги ойлик устамалар белгиланади:
лавозим маошининг 40 фоизи миқдорида устама;
узоқ муддат узлуксиз хизмати учун лавозим маошига 10 фоиздан 60 фоизгача устама.
Шунингдек, ходимларга бир қатор рағбатлантирувчи ва бошқа тўловлар тўланади.
Жумладан, йилда 1 марта моддий ёрдам, шахсий устамалар, байрамлар учун мукофотлар, овқатланиш харажатларини қоплаш учун тўловлар ва бошқалар.
Бундан ташқари, ходимнинг асосланган аризасига кўра қуйидаги ҳолларда қўшимча тарзда ходим лавозим маошининг 3 баравари миқдоригача моддий ёрдам кўрсатилиши мумкин:
яқин қариндошлари вафот этганда;
алоҳида эҳтиёж туғилганда (бахтсиз ҳодиса, тўй, узоқ муддатли касаллик сабабли даволаниш ва бошқалар учун).
