16 июль куни Ростов-Дон шаҳрида Ўзбекистон Республикасининг Бош консулхонаси очилиши маросими ўтказилди.
Тантанали маросимда Ростов области губернатори Василий Голубев, Ўзбекистоннинг Россиядаги элчиси Ботиржон Асадов ва бошқа расмий шахслар иштирок этди.
Мазкур Бош консулхона консуллик округига Россиянинг Шимолий Кавказ федерал округи ва Жанубий федерал округи киради.
Ростов-на-Дон шаҳридаги Бош консулхона Ўзбекистоннинг Россиядаги олтинчи консуллик муассасаси бўлди – аввалроқ Новосибирск, Санкт-Петербург, Екатеринбург, Владивосток ва Қозон шаҳарларида консулхоналар очилганди.
