Ўзбекистон миллий жамоаси либоси дизайни бўйича танлов эълон қилинди
Ўзбекистон миллий жамоасининг экипировкаси ўзгариши кутилмоқда. ЎФА миллий жамоа либоси дизайни юзасидан танлов эълон қилди.
Ташкилотнинг билдиришича, исталган мухлис янги форма дизайнини яратиб, уни ассоциация электрон почтасига юбориши мумкин.
Энг яхши деб топилган ишлар махсус совринлар билан тақдирланади. Хусусан, мутахассислар томонидан маъқул топилган учта энг яхши дизайн учун муаллифларнинг ҳар бирига миллий жамоа юлдузларининг дастхатлари туширилган оригинал футбол тўплари совға қилинади.
«Ўзбекистон миллий терма жамоаси жаҳон миқёсидаги мусобақаларда юртимиз футболининг юзи ҳисобланади. Шунингдек, терма жамоани – халқ жамоаси ҳам дейишади. Шундай экан, терма жамоамиз фаолияти билан боғлиқ бўлган ҳар қандай жараёнлардан халқимиз хабардор бўлиши, имкон қадар иштирок этиши зарур деб биламиз», – деб таъкидланган эълон матнида.
Мавзуга оид
22:01 / 17.09.2024
Футзал бўйича ЖЧ-2024. Ўзбекистон Парагвай билан ўйинда мағлубиятга учради
18:42 / 11.09.2024
Ким қандай ўйнади? Миллий жамоанинг дастлабки икки ўйинига назар
20:58 / 10.09.2024
ЖЧ-2026 саралаши. Ўзбекистон сафарда Қирғизистонни мағлуб этиб, гуруҳ пешқадамига айланди
14:25 / 07.09.2024