Хитойнинг Beijing Automotive Group (BAIC) автомобилсозлик гуруҳи Германиянинг Daimler AG концернининг 5 фоиз улушини сотиб олди.
BAIC Daimler акцияларининг 2,48 фоизини ҳамда немис компанияси акционерлик капиталининг 2,52 фоизига эгалик қилиш ҳуқуқини сотиб олди.
Daimler 2013 йилдан буён BAIC Motor компаниясининг инвестори ҳисобланади ва ушбу компания директорлар кенгашида иштирок этади.
BAIC ва Daimler 2005 йилдан буён Хитойда бир нечта корхона ташкил этган. Beijing Benz Automotive Company (BBAC) компанияси Хитойда юқори тоифадаги автомобиллар ишлаб чиқариш соҳасида етакчи ҳисобланади.
Daimler компаниясининг 5 фоизлик улуши 2,5 млрд еврога баҳоланди.
