Фото: AP
АҚШ федерал савдо комиссияси (Federal Trade Commission, FTC) фойдаланувчилар маълумотлари маркетинг мақсадларида фойдаланиш учун бегона компанияга берилгани учун Facebook компаниясига 5 млрд доллар жарима солди. Бу ҳақда комиссия сайтида эълон қилинган қарорда айтилмоқда.
"Facebook рекорд миқдордаги 5 млрд доллар жарима тўлайди ва унинг корпоратив тузилмасига нисбатан янги чеклов ва ўзгартиришлар жорий этилади, ўз фойдаланувчиларининг маълумотларини сақлаш борасида компания зиммасига масъулият юклатилади", - дейилади қарорда.
2018 йил мартда The New York Times газетаси ҳозирда ёпилиб кетган Cambridge Analytica компанияси ижтимоий тармоқнинг 87 млн фойдаланувчиси ҳақидаги маълумотларни қўлга киритганини хабар қилганди.
