Атамбоевнинг мингга яқин тарафдорлари Бишкек томон йўл олди

Фото: Sputnik / Нурис Алымбаев

Қирғизистоннинг собиқ президенти Алмазбек Атамбоевнинг мингга яқин тарафдорлари Бишкек томон йўл олди. Бу ҳақда Қирғизистон социал-демократик партияси сиёсий кенгаши аъзоси Адил Турдукулов маълум қилди.

"Қўй-Тошдан Бишкек томон мингга яқин киши кетмоқда", - деб ёзди Турдукулов Facebook саҳифасида.

РИА Новости мухбирининг хабар беришича, Атамбоев сўроқ қилиниши учун олиб келинган мамлакат ИИВ биноси атрофида ҳозирча осойишталик.

Аввалроқ собиқ президент узоқ музокаралардан сўнг ҳукумат кучларига таслим бўлганди. У Бишкекка олиб келинган.