1 млрд 100 млн сўмлик смартфонларнинг ноқонуний олиб кирилиши фош қилинди
Наманган вилояти божхона бошқармаси Контрабанда ва божхона қонунчилиги бузилишига қарши курашиш бўлими томонидан Давлат хавфсизлик хизмати билан ҳамкорликда ўтказилган тезкор тадбир натижасида қиймати 1 млрд. 100 млн. сўмлик смартфонларнинг ноқонуний олиб кирилиши фош қилинди.
Давлат божхона қўмитаси ахборот хизмати хабарига кўра, Наманган шаҳрида фуқаро А.А.нинг хонадони белгиланган тартибда ва холислар иштирокида кўздан кечирилганида, ҳовлидаги “Кобалт” ва “Нексия 3” русумли автомашиналар салони ва юкхонасида хорижда ишлаб чиқарилган ва ҳеч қандай ҳужжатлари бўлмаган қўл телефонлари борлиги аниқланди.
"RED MI” ва “HUAWEI” бренди остидаги мазкур смартфонлар жами 867 дона бўлиб, дастлабки ҳисоб-китобларга кўра уларнинг умумий қиймати 1 млрд. 100 млн. 102 минг сўмни ташкил қилар экан.
Ҳозирда юқоридаги ҳолат юзасидан божхона текширувлари давом эттирилмоқда.
Мавзуга оид
12:24 / 06.09.2024
Смартфонлар мия саратонига сабаб бўлиши ҳақидаги фикрлар асоссиз деб топилди
15:18 / 22.04.2024
Прокуратура ва қатор давлат идоралари қимматбаҳо смартфонлар сотиб олмоқда
15:32 / 13.04.2024
Нархи 600-800 доллар оралиғидаги энг кўп сотилган 20 та смартфон номи эълон қилинди
18:51 / 13.03.2024