Ҳиндистон Покистон билан муносабатлар яхшиланишига умид қилмоқда

Фото: REUTERS / Mukesh Gupta

Ҳиндистон Покистон билан муносабатлар яхшиланишига умид қилмоқда, деди Ҳиндистон ташқи ишлар вазири Субрахманьяма Жайшанкара.

"Ҳиндистон Покистон билан муносабатлар яхшиланишига умид қилмоқда, босиқликни сақлашга, минтақада тинчлик ва барқарорликни ҳимоя қилишга тайёр", - деди у Пекинда Хитой ташқи ишлар вазири Ван И билан учрашувда.

Покистон ва Ҳиндистон ўртасидаги муносабатларда ҳинд ҳукуматининг Жамму ва Кашмир штатини тугатиб, унинг ўрнига иккита иттифоқдош ҳудуд ташкил этиш қарори сабабли кескинлик юзага келганди. Исломобод бу қарорни қоралаган.

Аввалроқ Хитой Кашмир масаласида Покистонни қўллаб-қувватлашини билдирганди.

"Хитой Покистоннинг қонуний ҳуқуқ ва манфаатларини ҳимоя қилишини қўллаб-қувватлашда давом этади ҳамда халқаро майдонда Покистонга нисбатан муносабат одилона бўлиши тарафдори бўлиб қолади", - деганди Ван И.

Тайёрлаган: Дилшод Аскаров

#Ҳиндистон #Покистон