Қозоғистондаги автоҳалокат 5 кишининг умрига зомин бўлди 

Қозоғистоннинг Олмаота вилоятида енгил машинанинг юк машинаси билан тўқнашуви оқибатида 5 киши ҳалок бўлди, 3 киши шифохонага етказилди. 

Маълум қилинишича, автоҳалокат Олмаота-Бишкек автомобил йўлининг 84-километрида эрталаб юз берган. Унда 29 ёшли аёл томонидан бошқарилган Mazda-626 автомобили Shacman юк машинасига урилган.

Оқибатда енгил автомобил ҳайдовчиси ва автомобилдаги 4 йўловчи воқеа жойида олинган жароҳатлардан ҳалок бўлган.   

Автоҳалокат сабаблари аниқлаштирилмоқда.