Қўшимча функционаллар
-
Тунги кўриниш
Жаҳон | 08:08 / 16.08.2019
4371
1 дақиқада ўқилади
Хитойда кўчки сабабли 17 киши бедарак йўқолди
Фото: VCG
Хитойнинг Сичуан провинциясида жойлашган Ганьло уездида кўчки оқибатида 17 киши бедарак йўқолди. Бу ҳақда China Daily нашри хабар берди.
Маълум қилинишича, воқеа 14 августда тоғ жинсининг бир қисми тўсатдан Чэнду ва Куньмин шаҳарлари ўртасидаги темир йўл қисмига қулаганда юз берган.
Таъкидланишича, уюмлар остида темир йўлнинг 70 метрлик қисми ҳамда воқеа вақтида у ерда таъмирлаш ишлари олиб бораётган ўнлаб ходимлар қолган. Қутқарувчилар 11 кишини қутқариб олишга муваффақ бўлишган.
Маълум қилинишича, воқеа жойида 400 га яқин қутқарувчи ва 14 та техника иш олиб бормоқда.
